بالفيديو عمرو اديب " يبكي حلم الزمالك ..الدوري ضاع "

كعادته دائما , سخر الإعلامي
الكبير عمرو أديب من تعادل الفريق الأول لنادي الزمالك لكرة القدم أمس مع
طلائع الجيش في افتتاح مباريات الجولة الـ 25 لبطولة الدوري المصري الممتاز
وفقد الفريق نقطتين هامتين في صراع المنافسة مع غريمه التقليدي النادي
الاهلي على لقب الدوري هذا الموسم .
قال
عمرو اديب" أريد أن أتقدم بشكوى للحاكم العسكري لإلغاء الدوري هذا الموسم ,
الأول انأ قلت ان دي مؤامرة وان الثورة قامت علشان الزمالك ما يخدش الدوري
.. الدوري خلاص راح . وان الثورة قامت علشان الزمالك ياخد الدوري , لكن
الدوري راحححححححح "
واضاف :" حتى بعد قيام الثورة الاهلي حياخد الدوري , واحنا بقى لنا عشر سنين مش عارفين ناخده لا قبل الثورة ولا بعدها "
وأضاف
:" حيفضل الزمالك دائما مايخدش الدوري , الرئيس راح , وبرضه الزمالك ما
بياخدش الدوري , واذا كنتم عايزين تلغوا الاستفتاء بحاله , يبقى لازم تلغو
الدوري ونبدأ من اول وجديد ".
وحاوره
محمد شردي قائلا :" انت عايز يلغوا الدوري السنة دي , والزمالك يبدأ من
جديد , وبرضه لو عملو كده مكتوب علينا احنا الزملكاوية ان الزمالك مش حياخد
الدوري ".
واختتم أديب ساخرا :" انا عندي احساس ان مافيش ولا واحد من المجلس العسكري ده زملكاوي .. والدوري راححححح ".